Hlăm ai êwa bi mjĕ mjụk, Khua lăn čar Võ Văn Thưởng lač jăk kơ phung khua êmua brei leh klei khăp jăk siam êdi kơ lăn čar lehanăn mnuih ƀuôn sang Việt Nam lehanăn mâo lu klei đru mguôp jăk siam, tŭ dưn kơ klei bi mjĕ dua ala čar.

Mñă klă klei bi mjĕ dua ala čar mâo lu klei čang hmăng srăng jăk siam hĭn hlăm wưng ti anăp, Khua lăn čar Võ Văn Thưởng mta kơ Êpul phung khua êmua lŏ dơ̆ng mđing dlăng, mtrŭt mđĭ klei bi hgŭm plah wah Anôk bruă kƀĭn ala dua ala čar, mkŏ mjing gưl hiu čhưn ti Việt Nam, mtrŭt mđĭ klei bi mjĕ mjuk, phung khua kiă kriê mda asei mniê, mđĭ lar bruă klam jing mkŏ mơ̆ng Êpul phung khua êmua, mbĭt anăn mtrŭt mđĭ hdră bi hgŭm hlăm bruă mrâo msĕ si bi mlih mrô, bi mlit mtah, bruă lŏ hma ba yua kdrăp mrâo, bruă hiu čhưn ênguê lehanăn mă bruă…./.