Ti San Francisco, Mi, hlăm hruê kăm gưl dlông APEC mkŏ mjing leh klei bi tuôm phung khua gĭt gai gưl dlông bi mguôp bruă duh mkra India – Pacific kyua klei mdrŏng sah. Khua lăn čar Võ Văn Thưởng ba anăp êpul bi ala gưl dlông Việt Nam nao hlăm klei bi tuôm leh anăn mâo klei blŭ hrăm, mâo klei hưn kơ bruă mtrŭt mđĭ klei bi mguôp bruă duh mkra India – Pacific.

Blŭ hlăm mmông bi tuôm, Khua lăn čar Võ Văn Thưởng mñă ktang, Hdră bi mguôp bruă duh mkra krĭng ksĭ India – Pacific kyua klei mdrŏng sah jing klei gĭr mbĭt kñăm mđĭ klei bi mguôp plah wah dŭm anôk bruă duh mkra hlăm wưng tar rŏng lăn tlă anăp hŏng lu klei mlih, klei găl leh anăn klei lông dlăng pluă mbĭt. Hdră bi mguôp bruă duh mkra krĭng ksĭ India – Pacific kyua klei mdrŏng sah dưi hmăng hmưi jing klei bi hmô bi mguôp, mkŏ bruă duh mkra mbruă, tŭ dưn, ba wĭt boh tŭ klă klơ̆ng kơ mnuih ƀuôn sang, đru mguôp kơ klei êđăp ênang, hơĭt kjăp leh anăn mdrŏng sah hlăm alŭ wăl leh anăn tar rŏng lăn.