Khua lăn čar Võ Văn Thưởng čuh brui mngưi bi hdơr kơ khua gĭt gai Hồ Chí Minh ti alŭ wăl knhuah gru Kim Liên
Thứ tư, 10:46, 17/01/2024
VOV Tây Nguyên
VOV Tây Nguyên
VOV4.Êđê- Hlăm klei dôk mă bruă ti Nghệ An, tlam mbrue, 16/1, ti kdriêk Nam Đàn, Khua lăn čar Võ Văn Thưởng lehanăn êpul ngă bruă čuh leh brui mngưi, mđup bai mnga bi hdơr kơ khua gĭt Hồ Chí Minh ti sang bi hdơr Chung Sơn – Sang ngă yang mơ̆ng găp djuê Awa Hô, lehanăn ti alŭ wăl knhuah gru Kim Liên.
Khua lăn čar lehanăn êpul ngă bruă mâo klei bi hdơr kơ khua gĭt gai Hồ Chí Minh, jing khua kiă kriê prŏng hing ang kơ Đảng lehanăn mnuih ƀuôn sang, pô jhŏng ktang mtlaih êngiê kơ djuê ana, mnuih hing ang thâo lu. Hlăm mmông ngă klei hdơr knga anăn êpul ƀuăn tui hriăm lehanăn hlue ngă nanao knhuah jăk mơ̆ng khua gĭt gai.
Alŭ wăl knhuah gru Kim Liên, jing sa hlăm dŭm alŭ wăl knhuah gru êdah êdi kơ klei hdĭp, lehanăn bruă knuă khua gĭt gai Hồ Chí Minh, dôk hlăm alŭ wăl 2 să Kim Liên lehanăn Nam Giang, mâo anôk jing alŭ wăl knhuah gru ƀuôn Hoàng Trù; alŭ wăl knhuah gru ƀuôn Sen. Tinei kriê pioh lu mta mnơ̆ng bi hdơr djŏ hŏng ƀuôn sang, hŏng găp djuê, hŏng ênuk adôk hđeh, lehanăn klei dua blư̆ Awa wĭt čuă ƀuôn sang./.
Viết bình luận