Khua lăn čar Võ Văn Thưởng drông čhưn Êpul gơ̆ng bruă răng mgang klei êđăp ênang ala čar Mongol
Thứ năm, 10:19, 18/05/2023
VOV Tây Nguyên
VOV Tây Nguyên
VOV4.Êđê- Tlam mbrue 17/5, ti anôk bruă khua lăn čar, Khua lăn čar Võ Văn Thưởng drông čhưn leh hŏng Jadamba Enkhbayar, Khua kiă kriê Êpul gơ̆ng bruă răng mgang klei êđăp ênang Mongol lehanăn êpul hlăk mâo gưl hriê čhưn ti Việt Nam.
Bi myuôm klei Jadamba Enkhbayar lehanăn êpul kơ dŭm klei čiăng bi hgŭm, Khua lăn čar lač klă, Việt Nam lehanăn Mongol jing dua ala čar mah jiăng jĕ giăm mơ̆ng đưm. Giăm 70 thŭn êgao, klei bi mguôp dua ala čar mâo klei đĭ kyar nanao.
Ti anôk čhưn hrăm anăn, Khua lăn čar lač, mơ̆ng boh tŭ dưn leh mâo hlăm klei bi mguôp dua ala čar, dua ala čar srăng lŏ hgŭm, mtrŭn agha kjăp hĭn, mâo klei bi mjĕ êrô gưl phung khua prŏng lehanăn alŭ wăl lu hĭn, mơ̆ng anăn kñăm bi thâo săng, bi đăo knang, lŏ dơ̆ng mjing djăp klei găl kơ dua nah bi mguôp, bi đru lehanăn bi mjĕ êrô mnuih ƀuôn sang dua ala čar./.
Viết bình luận