Khua lăn čar hơêč hmưi kơ khua bi ala mâo bi leh jăk bruă kčah jao ti Việt Nam, đru lŏ hyuă kjăp hĭn klei bi mguôp hgŭm mbĭt, lehanăn kluôm dhuôm plah wah Việt Nam lehanăn EU. Khua lăn čar đăo knang hŏng klei ngă bruă mrâo, khua bi ala srăng lŏ đru mtrŭt klei bi mguôp jăk siam plah wah Việt Nam lehanăn EU.

Khua lăn čar bi mni kơ khua bi ala EU hlăm wưng păn bruă êgao maoa leh lu klei đru mguôp hlăm klei bi hgŭm Việt Nam-EU; boh nik dua nah mâo kuôl kă leh EVFTA lehanăn mtrŭt dŭm ala čar hlăm EU pral bi klă EVIPA. Khua lăn čar Võ Văn Thưởng hơ̆k mơak brei thâo, hlăm dŭm klei bi tuôm hŏng phung khua kiă kriê gưl dlông dŭm ala čar hlăm EU mrâo anei, phung khua kiă kriê lač, phung duh mkra EU bi mni kơ anôk duh bi liê ti Việt Nam lehanăn Việt Nam hlăk lŏ dôk bi mlih kjăp hdră êlan ngă bruă./.