Hlăm mmông tŭ drông, Khua lăn čar mñă klă, Việt Nam dlăng yuôm bhăn mtrŭt mđĭ klei mjĕ giăm bi mguôp hŏng dŭm ala čar mah jiăng Afrĭk, hlăm anăn mâo lăn čar Krĭng mla jing sa hlăm dŭm ƀĭng hgŭm yuôm bhăn.

Dua tĭng đăo knang bruă bi klă leh anăn hluê ngă Hră bi hdơr bi mguôp plah wah 2 ala čar srăng đru bi êlam hĭn klei bi hgŭm leh anăn bi mguôp lu mta bruă plah wah 2 ala čar hlăm wưng kơ anăp. 2 čô khua gĭt gai tŭ ư srăng mtrŭt mđĭ hĭn klei mnia mblei hŏng êlan kjăp leh anăn bi kna mkŏ mjing klei găl mnia hlăm hlăm anôk čhĭ mnia hdơ̆ng pô ăt msĕ hŏng anôk mnia mlei ASEAN leh anăn Afrĭk. Dua čô khua gĭt gai ăt mñă klă srăng mđing tal êlâo kơ bruă mtrŭt mđĭ leh anăn pŏk mlar klei bi mguôp hlăm bruă lŏ hma, duh bi liê.