Hlăm mmông tŭ drông, Dua čô khua gĭt gai bi êdah klei ư ai ti anăp klei đĭ kyar mơ̆ng klei mjĕ 2 ala čar leh 50 thŭn mkŏ mjing, ba wĭt boh tŭ dưn klă klơ̆ng kơ 2 ala čar leh anăn đru mguôp kơ klei êđăp ênang hlăm alŭ wăl leh anăn tar rŏng lăn, tŭ ư bi mđĭ hĭn klei đăo knang bruă kđi čar plah wah 2 ala čar, dlăng anăn jing tur knơ̆ng yuôm bhăn mđĭ kyar klei mjĕ giăm 2 ala čar hlăm wưng kơ anăp.

Bi trông kơ dŭm boh klei hlăm alŭ wăl leh anăn tar rŏng lăn, bôh nik jing Êpul hgŭm lu ala čar, APEC, ASEAN leh anăn dŭm hdră êlan mơ̆ng ASEAN ba anăp. Khua knŭk kna Australia lŏ mñă klă klei mĭn mơ̆ng Australia kơ klei mpŭ kơ klei bhiăn tar rŏng lăn ti alŭ wăl leh anăn mghaih msir klei amâo thâo bi djŏ ti ksĭ Ngŏ hŏng dŭm hdră êlan êđăp ênang, guôp găl hŏng klei bhiăn tar rŏng lăn, boh nik jing UNCLOS 1982.