Leh knăm tŭ drông, Khua lăn čar Võ Văn Thưởng leh anăn Khua mil čhil Dhŭng  Korea  hưn mdah phung bi ala gưl dlông 2 ala čar nao hlăm knăm tŭ drông. Leh kơnăn, 2 čô khua gĭt gai ngă klei blŭ hrăm. Dlăng yuôm bhăn klei mjĕ giăm hŏng Việt Nam, êpul hriê mbĭt hŏng Khua mil čhil Dhŭng Korea tal anei mâo lu phung bi ala gưl dlông msĕ si: K’iăng khua kiă kriê klam bruă duh mkra hlŏng păn ngă Khua phŭn bruă hdră êlan leh anăn ngăn prăk Choo Kyung Ho mbĭt hŏng đa đa khua phŭn bruă, khua gĭt gai phŭn dhar bruă. Êngao kơnăn lŏ mâo êbeh 200 knơ̆ng bruă Dhŭng Korea.

Anei jing ênoh knơ̆ng bruă lu hĭn hlăm dŭm gưl nao čuă ala tač êngao mơ̆ng Khua mil čhil Yoon Suk Yeol, brei ƀuh klei yuôm bhăn kơ klei bi mguôp bruă duh mkra, duh bi liê, mnia mblei 2 ala čar. Wĭt lač klei êmuh êlâo kơ gưl hruê čuă Việt Nam, Khua mil čhil Yoon Suk Yeol hmăng hmưi mtrŭt mđĭ klei bi mguôp hŏng Việt Nam hlăm lu mta bruă