Khua lăn čar Võ Văn Thưởng drông čhưn K’iăng Khua knŭk kna, Khua phŭn bruă hŏng tač êngao Lào
Thứ sáu, 07:47, 24/11/2023
VOV TAYNGUYEN
VOV TAYNGUYEN
VOV4.Êđê- Ti sang bruă Khua lăn čar, Khua lăn čar Võ Văn Thưởng drông čhưn leh Saleumxay Kommasith, K’iăng Khua knŭk kna, Khua phŭn bruă hŏng tač êngao Lào ƀri wưng hriê čuă leh anăn hrăm mbĭt gĭt gai klei kƀĭn Bruă kđi čar gưl Khua phŭn bruă hŏng tač êngao Việt Nam – Lào gưl tal 10.
Hlăm mmông drông čhưn, dua tĭng bi êdah klei hơ̆k mơak kơ dŭm boh tŭ dưn klei bi mguôp yuôm bhăn dưi mâo leh hlăm wưng êgao, boh nik jing bruă dua ala čar bi mguôp kjăp, mđĭ klei bi trông êpul, bi tuôm gưl dlông leh anăn dŭm hdră bi mguôp yuôm bhăn mơ̆ng dua tĭng, mñă ktang klei bi hgŭm, bi mguôp dhuôm dhuôm Việt Nam – Lào amâo mâo tal 2 dlông rŏng lăn.
Mñă kơ dua tĭng lŏ dơ̆ng mtô mjuăt dŭm gưl êdei anăp lŏ dơ̆ng bi lar klei khăp yuôm bhăn mơ̆ng Đảng leh anăn mnuih ƀuôn sang dua ala čar, dlăng anăn jing ngăn dŏ yuôm bhăn mơ̆ng dua djuê ana hlăm kluôm bruă krŭ kdơ̆ng sua wĭt klei êngiê leh anăn mđĭ kyar lăn čar.
Viết bình luận