Khua lăn čar Võ Văn Thưởng kkuh drông kơ Lý Thư Lỗi ngă khua êpul bi ala Đảng Cộng sản China hriê čhưn ti Việt Nam leh anăn hrăm mbĭt gĭt gai Klei bi trông hlak mblang tal 18 plah wah dua Đảng.

Khua Anôk bruă hâo hưn mtô mblang gưl dlông Đảng Cộng sản China Lý Thư Lỗi bi mni kơ klei mĭn mơ̆ng Khua lăn čar Võ Văn Thưởng kơ bruă mđĭ klei bi hgŭm plah wah dua Đảng, dua knŭk kna ăt msĕ mơh dŭm klei mđĭ boh tŭ bi hgŭm plah wah Anôk dlăng bruă hâo hưn mtô mblang Đảng Cộng sản Việt Nam hŏng Anôk bruă hâo hưn mtô mblang Đảng Cộng sản China srăng mđĭ ktang klei bi hgŭm, bi trông hlăm klei dhar kreh, bi hgŭm leh anăn dŭm boh tŭ jăk siam hlăm klei bi hgŭm dua ala čar, đru mđĭ klei bi hgŭm mâo leh mơ̆ng đưm Việt Nam - China./.