Tinăn, khua lăn čar Võ Văn Thưởng bi mni kơ khua bi ala bi leh jăk bruă pô ti Việt Nam; bi myuôm dŭm klei đru mguôp yuôm bhăn dŭm klei tŭ dưn mơ̆ng khua bi ala mâo leh hlăm bruă hgŭm Việt Nam-Pakistan wưng êgao, boh nik jing hgŭm hlăm dŭm bruă dua nah bi hdơr 50 thŭn hrue mkŏ mjing klei mjĕ mgiăm hlăm thŭn 2022 leh êgao.

Khua lăn čar čang hmăng kơ dua nah lŏ hyuă kjăp hĭn klei bi mguôp, bi tuôm gưl dlông, dŭm knơ̆ng dhar bruă lehanăn alŭ wăl, phung duh mkra, bi hgŭm mnuih ƀuôn sang, lehanăn êpul phung khua prŏng bruă kƀĭn ala, kñăm mđĭ hĭn klei thâo bi đru, hyua kjăp klei bi hgŭm bruă Việt Nam-Pakistan. Dua nah brei mâo klei gĭr hĭn hlăm klei bi mguôp bruă duh mkra mnia mblei, duh bi liê, mđĭ hĭn klei bi mnia mblei dua nah./.