Khua lăn čar Võ Văn Thưởng čang hmăng leh anăn đăo knang, wăt tơdah hlăm ya bruă ngă, Khua bi ala srăng lŏ dơ̆ng brei klei khăp jăk siam kơ lăn čar, anak mnuih Việt Nam, jing kban mkŏ mđĭ ktang klei bi hgŭm mơ̆ng êlâo leh anăn ƀĭng hgŭm yuôm bhăn Việt Nam - Prăng . Hơêč hmưi kơ Khua bi ala Nicolas Warnery bi leh jăk wưng mă bruă ti Việt Nam, Khua lăn čar mñă klă, 50 thŭn êgao, klei bi hgŭm Việt Nam – Prăng mâo leh klei tŭ yuôm bhăn snăk, boh nik wưng 10 thŭn mkŏ mjing Klei bi hgŭm hdră bruă. Việt Nam bi mni kơ klei đru yuôm bhăn mơ̆ng Prăng đru dŭm êklăk aruăt vaccine COVID-19.

Čiăng mđĭ klei bi hgŭm hlăm wưng kơ anăp, Khua lăn čar mtă kơ dua tĭng lŏ dơ̆ng mđĭ klei bi trông, dŭm gưl nao čhưn gưl dlông. Mơ̆ng Khua bi ala, Khua lăn čar mơĭt asăp jak iêô leh anăn hưn mthâo Việt Nam srăng drông Khua mil čhil Emmanuel Macron hriê čhưn ti Việt Nam hlăm wưng djŏ guôp./.