Khua lăn čar Võ Văn Thưởng m’ak hlăk drông Khua Anôk bruă kƀĭn ala Bulgaria hriê čhưn ti Việt Nam ƀri akŏ thŭn mrâo 2024, bi êdah klei mpŭ lehanăn đăo knang kjăp hlăm bruă kđi čar hlăm klei bi mjĕ dua ala čar. Ro-sen Zhe-li-át-cóp hưn mthâo hŏng Khua lăn čar kơ hdră bi trông tŭ jing hŏng Khua anôk bruă kƀĭn ala Vương Đình Huệ lehanăn mñă, čang hmăng dua tĭng pŏk ngă klei bhiăn dôk mâo, hlăm anăn mâo klei bi kƀĭn Dhar bruă mlir knŭk kna Việt Nam-Bulgaria. 

Hlăm gưl čhưn, Êpul nao čuă dlăng leh dŭm alŭ wăl, mơ̆ng anăn ƀuh klei găl bi hgŭm adôk lu, msĕ si hlăm hdră duh mkra ăt msĕ mơh mtrŭt mđĭ klei bi mjĕ mjuk mnuih ƀuôn sang, čang hmăng Việt Nam ba phung thơ̆ng kơ bruă mtô klei blŭ Việt ti Bulgaria. Khua lăn čar Võ Văn Thưởng mñă, Việt Nam bi mni klei bi mjĕ hŏng Bulgaria, hlăm wưng ti anăp, Khua lăn čar čang hmăng dua tĭng mđĭ hĭn klei bi mjĕ hlăm bruă kđi čar, hŏng tač êngao, hnưm dưi drông Khua mil čhil Bulgaria lehanăn phung khua gưl dlông hriê čhưn ti Việt Nam./.