Khua lăn čar Võ Văn Thưởng mñă klă klei yuôm bhăn gưl hriê čhưn ti Việt Nam tal anei mơ̆ng êpul jing gưl čiăng kơ dua tĭng bi trông kơ hdră tă bi hgŭm Việt Nam- Russia, hlăm anăn mâo klei bi hgŭm plah wah dua Đảng, dua knŭk kna.

Khua gĭt gai bi tŭ ư hlăm wưng kơ anăp srăng lŏ dơ̆ng mđĭ klei mjĕ êrô dhar kreh, mnuih ƀuôn sang, mđĭ lar bruă klam mơ̆ng dŭm êpul bi hgŭm plah wah dua ala čar, kñăm mđĭ klei bi thâo săng, kriê pioh ênoh yuôm jăk siam mơ̆ng klei bi hgŭm hŏng giăm 75 thŭn.  Khua lăn čar ăt mni lač jăk leh anăn mtă kơ Russia lŏ dơ̆ng mđing dlăng, mjing klei găl kơ êpul êya Việt Nam ti Russia hdĭp mda, mă bruă, hriăm hră sui leh anăn kjăp./.