Khua lăn čar Võ Văn Thưởng drông Khua gĭt gai Êpul hgŭm phung thơ̆ng kơ bruă Japon- Việt Nam
Thứ sáu, 08:34, 01/12/2023
VOV Tây Nguyên
VOV Tây Nguyên
VOV4.Êđê- Lŏ dơ̆ng dŭm bruă ngă ti ƀuôn prŏng Fukuoka hlăm gưl nao čhưn klă sĭt ti Japon, aguah 30/11, hlue si mmông alŭ wăl, Khua lăn čar Võ Văn Thưởng drông êpul bi ala khua gĭt gai phung thơ̆ng kơ bruă Japon - Việt Nam, mâo nai prĭn Mitsuo Ochi, Khua sang hră gưl prŏng Hiroshima ngă khua êpul hŏng lu nai prĭn, phung kreh knhâo, thơ̆ng kơ bruă hlăm lu mta bruă dôk mă bruă ti dŭm sang hră gưl prŏng, anôk bruă ksiêm hriăm leh anăn dŭm êpul bruă mkăn ti Japon.
Hơ̆k mơak bi tuôm hŏng nai prĭn Ochi leh anăn phung hgŭm, Khua lăn čar mñă klă, dŭm boh tŭ bi hgŭm dua ala čar Việt Nam-Japon hlăm wưng êgao đru mguôp prŏng hlăm bruă yang ƀuôn dua ala čar, hlăm anăn mâo Êpul hgŭm thơ̆ng kơ bruă Japon- Việt Nam, boh nik hlăm bruă kreh knhâo kdrăp mrâo, anei jing klei găl čiăng kơ Êpul hgŭm lŏ dơ̆ng mđĭ bruă bi hgŭm hŏng Việt Nam.
Tŭ ư hŏng nai prĭn Ochi kơ bruă Êpul hgŭm čang hmăng bi hgŭm hŏng Việt Nam hlăm dŭm bruă, Khua lăn čar brei thâo, anei jing dŭm bruă Việt Nam mâo klei čiăng lu, mbĭt anăn mtă kơ Êpul hgŭm mđĭ ktang bruă bi hgŭm klă klơ̆ng hlăm wưng kơ anăp.
Viết bình luận