Bi ala kơ phung Khua bi ala dŭm ala čar ASEAN, Khua bi ala Indonesia- ala čar gĭt gai ASEAN 2023, mơĭt klei hơêč hmưi leh anăn êmuh hrăm mơ̆ng Khua gĭt gai Indonesia leh anăn dŭm ala čar ASEAN kơ Khua lăn čar Võ Văn Thưởng.  Khua bi ala  bi mklă hlăm 28 thŭn êgao, Việt Nam ngă bruă klam yuôm bhăn hlăm bruă mđĭ klei bi hgŭm leh anăn bruă klam phŭn mơ̆ng ASEAN ăt msĕ mơh hlăm bruă mkŏ mjing hnơ̆ng trah dlăng Êpul êya ASEAN êdei thŭn 2025.

Hnơ̆ng đĭ kyar GDP thŭn 2022 mơ̆ng Việt Nam ti hnơ̆ng 8,02% srăng mjing thiăm boh kdrŭt kơ klei đĭ kyar bruă duh mkra krĭng wăl. Khua bi ala Indonesia, bi ala kơ Khua bi ala dŭm ala čar ASEAN, ƀuăn rơ̆ng, phung khua bi ala srăng nao ai leh anăn đru mguôp tŭ dưn kñăm mđĭ hĭn klei bi hgŭm plah wah Việt Nam leh anăn dŭm ala čar ASEAN, mbĭt anăn, bi êdah klei đăo knang, ti gŭ klei gĭt gai klă mngač mơ̆ng Khua lăn čar, klei bi hgŭm plah wah Việt Nam leh anăn dŭm ala čar ASEAN srăng ƀrư̆ hruê ƀrư̆ bi mguôp leh anăn đĭ kyar ktang, êlam, đru mguôp yuôm bhăn kơ klei mđĭ lar êđăp ênang, kjăp ti krĭng wăl./.