Khua lăn čar Võ Văn Thưởng hơêč hmưi kơ mnuih ƀuôn sang čar Đồng Tháp, mnuih ƀuôn sang dŭm kdriêk knông lăn Hồng Ngự, Tân Hồng leh anăn ƀuôn prŏng Hồng Ngự; êpul kahan knhăk leh anăn Anôk ksiêm dlăng mŭt kbiă ti ƀăng jang knông lăn Thường Phước. Khua lăn čar leh anăn khua gĭt gai dŭm anôk bruă mđup brei sang bi hgŭm, mnơ̆ng kơ dŭm gŏ sang knŭk kna dlăng ba, gŏ êsei ƀun, hđeh điêt, phung mă bruă mâo klei dhĭp dleh dlan leh anăn mđup brei mnơ̆ng kơ dŭm anôk bruă djŏ tuôm.

Khua lăn čar Võ Văn Thưởng čang hmăng bruă Đảng, bruă sang čư̆ êa leh anăn mnuih ƀuôn sang Đồng Tháp bi hgŭm ba alŭ wăl đĭ kyar ktang hĭn, mđing mtô bi hriăm, kriê dlăng mdrao mgŭn leh anăn êđăp ênang ala ƀuôn; Êpul kahan răng mgang knông lăn, kahan ksiêm păn kjăp alŭ wăl, hmao kčĕ kơ khua gĭt gai čar, thâo mprăp hlăm djăp boh klei./.