Ti anôk hơêč hmưi Tết, Khua lăn čar mñă, Knơ̆ng kiă kriê kahan ksiêm knhăk ngă bi jăk hĭn bruă mkŏ mjing Đảng klă sĭt doh mngač kjăp ktang, hlue ngă djŏ 6 klei Awa Hồ mtă kơ kahan ksiêm yang ƀuôn, čiăng kơ grăp čô knuă druh kahan ksiêm mâo klei thâo bi hmô, jing kahan ksiêm kyua lăn čar wơr asei pô, kyua mnuih ƀuôn sang ngă bruă, mă klei mơak, klei jăk yâo lehanăn klei êđăp ênang kơ jih jang mnuih ƀuôn sang jing klei mơak kơ pô.

Bi êdah klă, hrue Tết jing hrue kuh kŭm găp djuê, ƀiădah kahan ksiêm amâo mâo mdei ôh ăt gak răng. Khua lăn čar mtă kơ bruă Đảng, knơ̆ng kiă kriê kahan ksiêm knhăk, khua knơ̆ng kiă kriê kahan mâo klei mđing uêñ duh mĭn kơ lĭng kahan, čiăng kơ grăp čô kahan ksiêm khădah dôk ngă bruă ƀiădah ăt ƀuh klei hơuh mđao mơ̆ng yan mnga, mâo klei mđing uêñ mơ̆ng phung khua kiă kriê./.