Mphŭn gưl hiu čhưn ti ƀuôn prŏng đưm Thăng Long, Khua lăn čar Võ Văn Thưởng hŏng Khua mil čhil Philippines Marcos nao hlăm hdră “Happy Tết 2024”  mkŏ mjing ti wăl krah ƀuôn prŏng đưm Thăng Long. Tinei, Khua lăn čar hưn mthâo hŏng Khua mil čhil Philippines kơ hruê Tết djuê ana Việt Nam hŏng klei dhar kreh mdê hjăn, hlao mbĭt hŏng wăl Tết Việt, ênoh yuôm dhar kreh, mnơ̆ng kriê pioh, klei hlăp lêñ hruê Tết; dŭm mta mnơ̆ng ƀơ̆ng djuê ana, hlao êsei Tết; dlăng klei kdŏ mmuiñ jiă kma knhuah dhar kreh djuê ana.

Leh anăn, Khua lăn čar Võ Văn Thưởng hŏng Khua mil čhil Philippines Marcos nao dlăng ti anôk kriê pioh ti ƀuôn prŏng đưm Thăng Long. Mjưh ruê̆ gưl nao čhưn, êpul mă rup bi hdơr ti sang Rồng Điện Kính Thiên, jing sa hlăm klei kruăk knăl gưl hriê čhưn Knŭk kna ti Việt Nam tal anei mơ̆ng Khua mil čhil Philippines Marcos.