Blŭ hlăm knăm jao klei bi klă, Pô bi ala Phạm Quang Hiệu ƀuăn rơ̆ng hlăm wưng pô păn bruă srăng gĭr jih ai ksul mbŭ klei mjĕ giăm 2 ala čar đĭ kyar ktang, mđĭ hĭn dŭm klei bi trông êpul gưl dlông, mkŏ mjing klei găl đru kơ mnuih ƀuôn sang leh anăn anôk bruă duh mkra 2 ala čar, đru mtrŭt mđĭ klei bi mguôp bruă duh mkra.

Pô bi ala srăng hrăm mbĭt hŏng phung knuă druh, phung mă bruă anôk bruă bi ala mtrŭt mđĭ klei bi mguôp, duh bi liê bruă mkŏ mkra, mjĕ êrô mnuih ƀuôn sang, mtrŭt mđĭ klei bi mguôp dŭm dŭm wăl plah wah 2 ala čar, mtrŭt mđĭ bruă ksiêm duah, đru kčĕ, mkŏ mjing Đảng, bi kjăp klei bi mguôp čiăng bi leh jăk bruă klam jao leh.