Ƀri wưng akŏ thŭn mrâo Giáp Thìn 2024, bi ala kơ khua gĭt gai Đảng, knŭk kna, Khua lăn čar Võ Văn Thưởng mơĭt kơ jih jang phung khua gĭt gai, knuă druh, lĭng kahan, phung ngă bruă mơ̆ng êpul grŭp klei êmuh hrăm thŭn mrâo jăk siam hĭn. Hlăm mmông mă bruă, Khua lăn čar mñă klă, leh giăm 35 thŭn mkŏ mjing leh anăn đĭ hriê kơ prŏng, êpul êya knuă druh, phung mă bruă Viettel mâo nanao ai tiê, klei mĭn gĭr ktưn, jhŏng ngă dŭm mta bruă dleh leh anăn bŏ hŏng klei lông dlăng.

“Êpul grŭp dưi ktưn hưn êjai yăl dliê kơ êpul lĭng kahan Viettel, ai tiê Viettel, klei mĭn Viettel”, Khua lăn čar čih yap leh anăn lač, kyua klei dleh dlan, klei lông dlăng mkŏ mjing leh Viettel ară anei. Khua lăn čar mñă klă, hŏng bruă klam jing knơ̆ng bruă mơ̆ng lĭng kahan, mơ̆ng lĭng kahan Awa hồ, êpul grŭp srăng rơ̆ng ai êwa ba anăp, mprăp đua klam leh anăn bi leh jăk dŭm bruă klam dưi jap hŏng ai tiê hyuă kjăp klei mĭn bruă duh mkra bi mguôp hŏng klei răng mgang klei êđăp ênang. Bi hŏng Viettel, mbĭt hŏng ngă bruă duh mkra, êpul grŭp lŏ nao mbĭt bruă hŏng tač êngao mơ̆ng lăn čar.