Blŭ hrăm ti anôk ngă bruă, Khua lăn čar Võ Văn Thưởng bi mni kơ bruă Đảng, bruă sang čư̆ êa lehanăn mnuih ƀuôn sang čar Phú Yên mâo leh klei gĭr lehanăn ba wĭt dŭm boh tŭ dưn jăk hlăm djăp mta, atăt čar Phú Yên hđuh hlăm klei jăk mđĭ kyar prŏng, mâo ai êwa knar hŏng alŭ wăl dôk đĭ kyar, mjing klei găl đĭ kyar pral hĭn hlăm wưng tinăp.

Khua lăn čar mtă kơ čar Phú Yên lŏ mjuăt mjing knuă druh ngă bruă djŏ hŏng bruă čuăn, mjing klei đăo knang hlăm mnuih ƀuôn sang, mâo klei phung duh bi liê tŭ ư, đru bui hơĭt klei êđăp ênang bruă kđi čar, klei êđăp ênang yang ƀuôn ti čar./.