Blŭ hlăm mmông mă bruă, Khua lăn čar Võ Văn Thưởng yap yuôm bhăn dŭm boh tŭ dưn mơ̆ng Dhar bruă phat mkra dưi mâo hlăm wưng êgao, mbĭt anăn mtă kơ Dhar bruă phat mkra êlâo kơ grăp boh klei srăng ksiêm dlăng, bi klă, mâo klei răng, dưn yua klei bhiăn ala čar hŏng klei mbruă, mdưm boh tŭ kơ ala čar, mnuih ƀuôn sang jing tal êlâo hĭn. Grăp čô ngă soh srăng dưi ƀuah mkra djŏ hruê mmông, klă mngač, djŏ pô, djŏ klei ngă soh, djŏ hŏng klei bhiăn ala čar, mâo mâo brei mâo klei phat mkra soh, lui kơ sa čô êrô ngă soh, ƀuah mkra ktang phĭt pô djă akŏ, mbĭt anăn hlăk mblang klă klei ngă soh mơ̆ng grăp čô, rơ̆ng kơ klei klă sĭt.

Khua lăn čar mtă, hlăm dŭm klei ngă soh, bruă ngă, dhar bruă srăng ksiêm duah, bi klă čiăng ktrâo klă dŭm klei huâng hlăm hdră êlan, klei bhiăn ala čar, hmâo hưm mthâo hŏng Đảng, knŭk kna mkŏ mjing hdră êlan, bi kluôm klei kiă kriê, bi leh jăk bruă klam mâo leh mnuih ƀuôn sang jao kơ bruă ksiêm dlăng klei dưi knŭk kna hlă klei ngă bruă klei bhiăn.