Hlăm gưl nao čhưn, Khua knŭk kna Japon Kishida Fumio leh anăn mô̆ ñu gĭt gai knăm drông yuôm bhăn Khua lăn čar Võ Văn Thưởng leh anăn mô̆ gơ̆. Dua khua gĭt gai ăt ngă khua Êpul bi ala gưl dlông dua ala čar bi trông, ksiêm dlăng boh tŭ dưi mâo hlăm 50 thŭn mkŏ mjing klei bi hgŭm hŏng tač êngao leh anăn kčah hdră êlan bi hgŭm ktang hĭn hlăm wưng kơ anăp. Leh klei bi trông, dua khua gĭt gai hrăm mbĭt hưn kơ bruă mđĭ klei bi hgŭm Việt Nam - Japon hlăm Hdră kluôm kyua klei êđăp ênang leh anăn mdrŏng sah ti Asi leh anăn dlông rŏng lăn; dlăng klei bi sinê hră mơar bi hgŭm plah wah phŭn, dhar bruă dua ala čar.

Khua lăn čar mâo leh klei bi tuôm hŏng Khua Thượng viện, Khua hạ viện Japon. Boh nik, Khua lăn čar nao čhưn leh anăn blŭ hrăm kơ hdră êlan hlăm Bruă kƀĭn ala Japon, anôk čih mkra hdră bhiăn mâo hƀuê ênuk sui hĭn ti Asi…