Blŭ hlăm knăm mtrŭt mjhar, Khua lăn čar Võ Văn Thưởng mñă ktang bruă hluê ngă klei mtă mơ̆ng Awa Hồ: Yan mnga jing tết pla ana kyâo – Ngă kơ lăn čar ƀrư̆ hruê ƀrư̆ blang mnga, mơ̆ng yan mnga thŭn 1960 truh kơ ară anei, grăp blư̆ truh yan mnga, mnuih ƀuôn sang lŏ mkŏ mjing tết pla ana kyâo.

Khua lăn čar hmăng hmưi hlăm wưng kơ anăp, dŭm gưl bruă Đảng, bruă sang čư êa, mặt trận čar kwar, êpul êya leh anăn mnuih ƀuôn sang Tuyên Quang hŏng knhuah gru ƀuôn sang cách mạng hing ang, hŏng klei hmăng hmưi rŭ mjing lăn čar ƀrư̆ hruê ƀrư̆ siam leh anăn mdrŏng ktang, srăng mâo hdră êlan ngă bruă klă klơ̆ng, lŏ dơ̆ng bi lar dŭm boh tŭ dưn dưi mâo, bi râo klei găl, ai ktang mơ̆ng čar kơ ngăn lŏ hlăm dliê, lăn dliê, nao mbĭt hŏng bruă pla ana kyâo mjing dliê, kriê pioi klei lu jơr mnơ̆ng hdĭp nao mbĭt hŏng bruă kriê pioh dhar kreh knhuah gru, mkŏ mkra krĭng ƀuôn sang mrâo, mđĭ hnơ̆ng klei hdĭp mnuih ƀuôn sang, đru mkŏ mjing čar Tuyên Quang đĭ kyar hmar leh anăn kjăp.