Khua lăn čar Võ Văn Thưởng noa myơr brui mngưi, bi hdơr kơ khua gĭt gai Trường Chinh – khua gĭt gai 3 blư̆ ngă khua gĭt gai Đảng leh anăn khua gĭt gai êpul gơ̆ng knŭk kna mơ̆ng thŭn 1981 – 1987. Lăn čar mâo boh tŭ dưn msĕ ară anei, dưi bi klă klei djŏ sĭt mơ̆ng klei mlih mrâo mơ̆ng khua gĭt gai Trường Chinh jing pô kčĕ.

Khua lăn čar Võ Văn Thưởng ăt nao myơr brui mngưi bi hdơr kơ Đại tướng Trần Đại Quang, Khua lăn čar mơ̆ng thŭn 2016 truh ti thŭn 2018. Jing khua gĭt gai lăn čar, Khua lăn čar Võ Văn Thưởng mâo leh dŭm gru kruăk hlăm êpul êya mah jiăng tar rŏng lăn, đru mđĭ kơhưm, klei đăo knang mơ̆ng lăn čar. Ƀri wưng thŭn mrâo, Khua lăn čar Võ Văn Thưởng nao čuă Khua lăn čar hđăp Trần Đức Lương leh anăn khua Khua lăn čar hđăp Nguyễn Xuân Phúc. Khua lăn čar Võ Văn Thưởng hơêč hmưi kơ phung khua gĭt gai hđăp mbĭt hŏng gŏ sang yâo mơak, suaih pral, lŏ dơ̆ng gĭr ktưn đru mguôp lu hĭn kơ klei đĭ kyar lăn čar.