Myơr brui mngưi bi hdơr kơ mtao An Dương Vương, phung bi ala bi êdah klei hdơr kơ dŭm gưl phung nao êlâo mâo ai rŭ mdơ̆ng lăn čar leh anăn răng mgang lăn čar, akâo kơ lăn čar, mnuih ƀuôn sang êđăp ênang, lăn čar mdrŏng ktang. Cổ Loa jing wăl kriê pioh hƀuê ênuk yuôm bhăn mơ̆ng djuê ana Việt Nam.

Găn dŭm êbâo thŭn rŭ mdơ̆ng leh anăn răng mgang lăn čar, Cổ Loa dôk kriê pioh lu boh tŭ dưn hƀuê ênuk, dhar kreh knhuah gru djuê ana. Boh nik hlăm wưng phŭn rŭ mdơ̆ng lăn čar, krĭng lăn Cổ Loa kruăk knăl hƀuê ênuk jhŏng ktang mbĭt hŏng mtao hlăm hƀuê ênuk An Dương Vương, pô lŏ čuê ênuk Hùng Vương, mâo ai rŭ mdơ̆ng lăn čar Âu Lạc. Ƀri wưng anei, Khua lăn čar Võ Văn Thưởng mbĭt hŏng khua gĭt gai gưl dlông leh anăn ƀuôn prŏng pla leh ana bi hdơr ti wăl kriê pioh hƀuê ênuk Thành Cổ Loa kdriêk Đông Anh.