Bi ala kơ khua gĭt gai Đảng, knŭk kna leh anăn jing sa čô hđeh hriăm hđăp, Khua lăn čar Võ Văn Thưởng bi êdah klei mơak leh anăn mgei ai tiê tơdah wĭt čhưn ti sang hră hlăm dŭm hruê kluôm ala mđing bi hdơr hruê phung nai Việt Nam 20/11.

Khua lăn čar ăt mơĭt klei êmuh hrăm leh anăn hơêč hmưi kơ phung nai ƀri gưl anei, Hŏng 65 thŭn mkŏ mjing leh anăn hriê kơ prŏng, êpul knuă druh sang hră dưi mbŏ, mđĭ kyar kơ ênoh, klei thâo, klei ksiêm hriăm, mtô bi hriăm. Lu phung nai prŏng, nai prĭn mâo lu anăn knăl hlăm klei kreh knhâo mtô bi hriăm yuôm bhăn hlăm ala čar leh anăn ala tač êngao, mâo phung hđeh hriăm leh anăn ala ƀuôn khăp hơiêng. Gưl anei, Khua lăn čar ăt mđup brei 20 hnư prăk đru hriăm hră mâo ênoh 100 êklăk prăk kơ hđeh hriăm êdah êdi mơ̆ng sang hră leh anăn 100 êklăk prăk hlăm hdră mtô bi hriăm mơ̆ng sang hră.