Khua lăn čar Võ Văn Thưởng nao čhưn, mă bruă ti Kahan krĭng 5
Thứ tư, 10:50, 06/12/2023
VOV Tây Nguyên
VOV Tây Nguyên
VOV4.Êđê - Mđing truh knăm bi hdơr 79 thŭn Hruê mkŏ mjing Lĭng kahan yang ƀuôn Việt Nam (22/12), hruê 5/12 mbruê, Khua lăn čar Võ Văn Thưởng nao čhưn, mă leh bruă hŏng Knơ̆ng gĭt gai Kahan krĭng 5, alŭ wăl mâo bruă klam yuôm bhăn wăt hlăm hdră kđi čar, duh mkra, lĭng kahan, răng mgang klei êđăp ênang, bruă hŏng tač êngao krĭng kwar Krah – lăn dap kngư.
Blŭ ti knăm anei, Khua lăn čar Võ Văn Thưởng mtă kơ kahan krĭng 5 thâo săng klă kơ Hdră mtrŭn gưl dlông 8 tal XIII kơ Hdră răng mgang ala čar hlăm boh klei mrâo lehanăn dŭm Hdră mtrŭn mơ̆ng Đảng kơ bruă lĭng kahan, răng mgang klei êđăp ênang. Brei hlak mblang, tĭng dlăng lehanăn đăo knăl klă klei mâo, boh nik klei djŏ tuôm kơ bruă lĭng kahan, răng mgang klei êđăp ênang hlăm alŭ wăl kahan krĭng.
Khua lăn čar ăt mtă kơ kahan krĭng krơ̆ng kjăp hdră mjuăt bi hriăm mprăp kdơ̆ng mblah; Mđing djăp ai dưi, klei mâo, mđĭ boh tŭ hdră bruă lĭng kahan, mkŏ mjing krĭng knông lăn êđăp ênang, đĭ kyar lehanăn ngă jăk bruă đru kơ ala čar Lao, Campuchia./.
Viết bình luận