Hlăm hdră nao hlăm Knăm đĭ păn bruă mơ̆ng Mtao Ăngle Charles III, aguah 5/5 hlue si mmông alŭ wăl, ti ƀuôn prŏng phŭn London, Khua lăn čar Võ Văn Thương nao čhưn ti Sang kriê pioh Ăngle – anôk hƀuê ênuk Karl Marx, Friedrich Engels, Lenin hŏng phung mkăn nao mă bruă leh anăn ksiêm hriăm hlăm hdră mkŏ mjing leh anăn bi leh klei mĭn kơ yang ƀuôn ngă phŭn.

Tinei, Khua lăn čar Võ Văn Thưởng nao čhưn ti Adŭ dlăng hră mơ̆ng Sang kriê pioh, nao čhưn dlăng kơ dŭm mta jăk siam jiă kma knhuah gru mơ̆ng Karl Marx ênuk ñu dôk hdĭp mda, mă bră leh anăn ksiêm hriăm kơ yang ƀuôn ngă phŭn ti ala mtao Ăngle. Hlue si hră mơar mơ̆ng Sang kriê pioh, hlăm dŭm pluh thŭn, Kark Marx lŏ dơ̆ng mđĭ kyar klei mĭn pô hŏng klei hgŭm mơ̆ng pô ksiêm hriăm Alêmăng Friedrich Engels leh anăn kđăm mkra dŭm klei čih, ksiêm hriăm ti Adŭ dlăng hră Sang kriê pioh Ăngle. Ñu mbĭt hŏng Friedrich Engels dôk nanao hlăm hƀuê ênuk anak mnuih msĕ si hŏng mkŏ mjing leh yang ƀuôn ngă phŭn hmăi prŏng leh anăn êlam hŏng anak mnuih.