Phạm Văn Tịch k’kiêng thŭn 1952 ti Quảng Nam, hlăm sa gŏ sang khăp kơ lăn čar. Mơ̆ng hlăk điêt, ñu hnưm mâo klei thâo săng leh anăn nao hgŭm hlăm bruă đru kơ phung lĭng kahan. Thŭn 1967, hlăm sa gưl ƀom mtuh, ñu êka kjham leh anăn khăt jih dua bĕ jơ̆ng, leh anăn mâo klei myun bi tuôm hŏng sa êpul aê mdrao ba nao mdrao ti Mi. Jing mnuih mâo ai tiê ktang, ñu hluê hriăm, leh anăn jing sa čô thơ̆ng kơ bruă măi tĭnh ti sang hră gưl prŏng Berkeley, California.

Khua lăn čar hmăng hmưi dŭm gưl mnuih Việt Nam dôk ti Mi lŏ dơ̆ng bi lar ai tiê khăp kơ lăn čar, čŏng pô hâo hưn čiăng bi mguôp mnuih ƀuôn sang drei ti Mi, thâo săng klă hĭn kơ boh sĭt hlăm lăn čar leh anăn dŭm hdră êlan bi mguôp djuê ana mơ̆ng Đảng leh anăn knŭk kna. Khua lăn čar hmăng hmưi êpul êya mnuih Việt Nam ti Mi amâo mâo mdei klei bi mguôp, ngă djŏ hdră bhiăn leh anăn lŏ dơ̆ng đru mguôp hlăm klei đĭ kyar mơ̆ng Mi, klei mjĕ giăm dua lăn čar, ăt msĕ hŏng bruă răng mgang, mkŏ mjing leh anăn mđĭ kyar ala čar Việt Nam.