Khua lăn čar Võ Văn Thưởng leh anăn mô̆ ñu nao hgŭm hlăm hdră. Blŭ hrăm hlăm hdră, bi ala kơ khua gĭt gai Đảng, knŭk kna, mặt trận čar kwar Việt Nam, Khua lăn čar mơĭt truh kơ phung anak čô amĭ Việt Nam dôk hdĭp mda, mă bruă, hluê hriăm ti lăn čar tač êngao klei êmuh hrăm, dŭm klei khăo leh anăn klei hơêč hmưi thŭn mrâo jăk siam hĭn.

Khua lăn čar mñă klă, Đảng, knŭk kna mâo nanao klei hmăng hmưi mnuih ƀuôn sang ti lăn čar tač êngao bi lar klei găl, ai ktang, klei mbruă, mâo mă lu klei tŭ jing, mâo klei hdĭp hơĭt, ƀrư̆ hruê ƀrư̆ mâo kơhưm, bruă duh mkra, bruă kđi čar kjăp hĭn, ñŭ kma kluôm hlăm anôk pô dôk. Khua lăn čar hmăng hmưi hlăm wưng kơ anăp, mnuih ƀuôn sang drei srăng wĭt čuă lăn čar lu hĭn čiăng ktuê dlăng dŭm klei mlih mrâo mơ̆ng lăn čar, dŭm boh tŭ hlăm klei mlih mrâo, čiăng hrăm mbĭt mkŏ mjing leh anăn răng mgang lăn čar Việt Nam khăp hơiêng.