Jing phung khua gĭt gai bruă duh mkra tal êlâo mơ̆ng APEC blŭ hrăm hlăm klei bi trông, Khua lăn čar Võ Văn Thưởng mñă klă klei bi mlih yan adiê jing bruă mjêč kluôm rŏng lăn, brei mâo klei gĭr, bruă klam kđi čar ăt msĕ mơh klei bi hgŭm mơ̆ng jih jang bruă duh mkra.

Khua lăn čar lač kơ klei mĭn mơ̆ng Việt Nam dlăng klei mdrơ̆ng hŏng bi mlih yan adiê jing mđing mrô sa hlăm hdră êlan mđĭ kyar ala čar leh anăn ƀuăn rơ̆ng ktang kơ klei lăm lui djah ti hnơ̆ng 0 hlăm thŭn 2050, bi hrŏ mêtan, răng mgang dliê leh anăn bi mlih êwa čuh. Khua lăn čar mtă kơ APEC leh anăn dŭm ala čar hgŭm mđĭ hdră bi hgŭm kơ êa pui êwa čuh lŏ mkra mjing leh anăn bi mlih bruă tuh tia mkra mjing mtah; mđĭ kyar bruă lŏ hma leh anăn kơrŭ wĭt ngăn prăk; klei êđăp ênang ala ƀuôn leh anăn bi mlih mtăp mđơr.