Khua lăn čar Võ Văn Thưởng nao hlăm Klei bi kƀĭn phung bi ala kluôm ala Êpul hgŭm phung hriăm gưl prŏng Việt Nam tal XI wưng 2023-2028
Thứ tư, 10:32, 20/12/2023
VOV Tây Nguyên
VOV Tây Nguyên
VOV4.Êđê- Aguah mbruê (19/12), ti Hà Nội, Khua lăn čar Võ Văn Thưởng nao leh anăn blŭ hrăm hlăm Klei bi kƀĭn phung bi ala kluôm ala Êpul hgŭm phung hriăm gưl prŏng Việt Nam tal XI wưng 2023-2028, knăm mơak prŏng phung hriăm Việt Nam hlăm leh anăn ala tač êngao, bi êdah klei čang hmăng, klei mĭn phung hriăm gưl prŏng hlăm bruă mkŏ mjing leh anăn răng mgang čar kwar.
Khua lăn čar bi mni kơ Êpul hgŭm phung hriăm gưl prŏng Việt Nam wưng êgao mâo leh knhuang êdah êdi, mkŏ mjing lu hdră mbruă, klă sĭt, bi hgŭm jih jang phung hriăm hlăm ala čar leh anăn ti ala tač êngao hgŭm mkŏ mjing leh anăn răng mgang čar kwar.
Khua lăn čar čang hmăng, hŏng klei thâo kơ ala ƀuôn leh anăn hriăm lu, hŏng klei hdĭp bŏ hŏng čang hmăng, klei mĭn jăk siam, phung hriăm gưl prŏng Việt Nam brei bi mklă kơhưm, bruă klam pô hŏng lăn čar; mbĭt hŏng jih djuê ana hlue ngă klei čang hmăng truh thŭn 2045, jing ala čar đĭ kyar, prăk hrui wĭt lu.
Viết bình luận