Klei bi kƀĭn dưi mkŏ mjing hlue ngă online, anôk mkŏ phŭn ti ƀuôn prŏng Đà Nẵng leh anăn giăm 800 anôk mkŏ hŏng dŭm alŭ wăl.  Blŭ hrăm ti anôk bi kƀĭn, bi mni kơ Sang phat kđi yang ƀuôn gưl dlông leh anăn kluôm bruă Sang phat kđi gĭr ktưn ngă jăk bruă klam dưi jao, Khua lăn čar mtă, bruă mđĭ hưn mdah klei phat kđi mơ̆ng Sang phat kđi mjing tur knơ̆ng kơ yang ƀuôn leh anăn dŭm anôk bruă djŏ tuôm ktuê dlăng kjăp bruă ngă mơ̆ng Sang phat kđi, mđĭ klei đăo knang yang ƀuôn hlăm klei sĭt nik leh anăn mtăp mđơr ala ƀuôn.

Thŭn 2023, hnơ̆ng jăk, boh tŭ bruă ksiêm dlăng mơ̆ng dŭm sang phat kđi dưi mđĭ, răng mgang jăk klei dưi, boh tŭ djŏ hdră bhiăn mơ̆ng Knŭk kna, êpul bruă leh anăn mnuih ƀuôn sang, đru răng kriê kjăp hĭn bruă kđi čar, klei êđăp ênang ala ƀuôn, đru mguôp jăk hlăm bruă mkŏ mjing leh anăn răng mgang čar kwar./.