Hlăm knăm anăn, Khua lăn čar Võ Văn Thưởng mñă ktang, găn leh 60 thŭn, VCCI mâo leh klei gĭr ktưn bi leh djăp bruă klam dưi jao, mtrŭt mđĭ klei đĭ kyar mơ̆ng êpul êya dŭm knơ̆ng bruă leh anăn êpul êya phung mnia mblei. Mơ̆ng anăn đru mguôp hlăm klei đĭ kyar ala čar. Hlăm wưng kơ anăp, Khua lăn čar mtă, VCCI leh anăn êpul êya dŭm knơ̆ng bruă, phung mnia mblei čiăng mkŏ mjing ai ktang anăn knăl Việt Nam hlăm anôk mnia mblei, ñŭ kma hŏng tar rŏng lăn pŏk phai klei bi mguôp hŏng ƀĭng hgŭm tar rŏng lăn hluê si ai tiê hrăm mbĭt tŭ jing.

Grăp čô phung mnia mblei srăng thâo săng klă kơ bruă klam hlăm klei bi mguôp jih jang djuê ana, mđĭ hĭn klei bi mguôp, mkŏ hŏng mnuih mă bruă, ƀĭng ngă hma leh anăn phung hriăm lu, ti gŭ klei gĭt gai mơ̆ng Đảng kyua mta knăm mnuih ƀuôn sang mdrŏng, ala čar ktang, êngiê leh anăn mrâo mrang. Khua lăn čar mtă, phung mnia mblei srăng hluê ngă djŏ hŏng klei bhiăn ala čar, mdưm boh tŭ mơ̆ng knơ̆ng bruă, grăp čô nao mbĭt hŏng klei đĭ kyar ala čar, klei tŭ dưn kơ yang ƀuôn.