Blŭ hrăm ti anôk bi kƀĭn anăn, Khua lăn čar Võ Văn Thưởng lŏ mñă kơ knhuah gru hƀuê ênuk kdrăm k’ah mơ̆ng krĭng lăn, anak mnuih Quảng Ninh, jing knhal akŏ kơ lăn čar, anôk mâo hnoh krông Bạch Đằng, kruak knăl hƀuê ênuk jhŏng ktang mơ̆ng djuê ana mâo leh 3 klei blah dưi hŏng phung plah ala.

Khua lăn čar bi myuôm bruă Đảng, bruă sang čư̆ êa lehanăn mnuih ƀuôn sang čar Quảng Ninh wưng leh êgao mâo leh klei thâo bi mguôp, mâo leh ai tiê čŏng kpưn đĭ, ba wĭt leh lu bih tŭ dưn jăk, mâo hnơ̆ng đĭ kyar (GRDP) prŏng lehanăn hơĭt, dăl hlăm 8 thŭn mtam, mơ̆ng thŭn 2016 đĭ nanao êbeh 10%; ênoh mâo ba wĭt kơ knŭk kna dôk ti êpul kdlưn hĭn hlăm kluôm ala. Quảng Ninh mâo bi leh bruă mkŏ mkra krĭng ƀuôn sang mrâo ti jih 3 gưl, bi leh ênoh kčah hlăm 3 thŭn hdră ala čar kñăm bi hrŏ ƀun hŏng klei kjăp wưng thŭn   2021 - 2025. Buă mkŏ mjing Đảng lehanăn jih jang bruă kđĭ čar mâo nanao klei mđing, lehanăn mâo klei bi mlih jăk./.