Gưl nao mă bruă mơ̆ng Khua lăn čar tal anei jing bruă hŏng tač êngao gưl dlông yuôm bhăn, bi mklă kơhưm leh anăn bruă klam ala čar drei ti krĭng wăl leh anăn dlông rŏng lăn. Bruă Khua lăn čar nao hlăm knăm đĭ păn bruă mơ̆ng Mtao Charles III bi êdah klei dlăng myuôm mơ̆ng Việt Nam hŏng Ala mtao Ăngle leh anăn klei bi hgŭm Việt Nam - Ăngle.

Hlue si Khua bi ala Việt Nam ti ala mtao Ăngle Nguyễn Hoàng Long, anei jing gưl nao čhưn ti ala mtao Ăngle tal 2 mơ̆ng Khua lăn čar drei leh giăm 2 pluh thŭn, hlăm boh klei bi hgŭm dua ala čar Việt Nam leh anăn Ăngle dôk ti wưng đĭ kyar jăk siam hĭn mơ̆ng êlâo truh ară anei. Boh nik, thŭn 2023, dua ala čar dôk bi hdơr 50 thŭn mkŏ mjing klei bi hgŭm hŏng lu bruă ngă yuôm bhăn, lu jơr leh anăn jăk mơak ti lu krĭng kwar hlăm ala čar Việt Nam leh anăn ala mtao Ăngle./.