Knăm mơak yan mnga hlăm djăp čar kwar jing bruă ngă dưi mkŏ mjing grăp thŭn, kñăm mpŭ kơ dŭm ênoh yuôm dhar kreh jăk siam mơ̆ng dŭm djuê ana hlăm dhar kreh bi tŭ ư lu jơr mơ̆ng êpul êya 54 djuê ana, mbĭt anăn đru mđĭ  klei bi hgŭm hlăm “Boh sang mbĭt”. Knăm mơak thŭn anei mâo klei hgŭm hlăm brô 300 čô mơ̆ng 28 êpul êya djuê ana hriê mơ̆ng 16 čar, ƀuôn prŏng leh anăn 16 êpul êya djuê ana… hŏng lu klei mâo, bruă ngă msĕ si: Hdră klei mmuiñ bi mni kơ Đảng kdrưh kơăm, mơak yan mnga lăn čar, Tết pla ana kyâo hdơr nanao kơ Awa Hồ, Hdră “Hiu yan mnga” hưn mthâo kơ klei hlăp lêñ djuê ana, mnơ̆ng ƀơ̆ng djuê ana hlăm hruê Tết… Ƀri gưl anei, Khua lăn čar Võ Văn Thưởng mđup brei mnơ̆ng kơ phung bi ala dŭm djuê ana hgŭm hlăm knăm mơak leh anăn mnuih ƀuôn sang dŭm djuê ana mâo hnư mnơ̆ng jing mnơ̆ng dhơ̆ng dhar kreh čŏng mkra mjing, mđup brei kơ Khua lăn čar, bi êdah klei khăp mnuih ƀuôn sang hŏng Khua lăn čar.

Khua lăn čar pla leh ana kyâo bi hdơr nanao kơ Awa Hồ; myơr brui mngưi ti Sang yơng Khơmer hlăm wăl dhar kreh - hiu čhưn ênguê dŭm djuê ana Việt Nam./.