Ti knăm anei, bi ala kơ Đảng, Knŭk kna, khua lăn čar Võ Văn Thưởng mđup brei leh mêđai mă bruă mrô 1 kơ bruă Đảng čar, bruă sang čư̆ êa, mnuih ƀuôn sang čar Hậu Giang. Blŭ hrăm ti anăn, Khua lăn čar mñă, Hậu Giang mâo bruă klam knơ̆ng kơ krĭng nah yŭ krông Hậu; jing anôk phŭn klei kơrŭ kdơ̆ng. Hlăm dăl hƀuê ênuk klei bi blah sua mă klei êngiê kơ djuê ana, mnuih ƀuôn sang čar Hậu Giang ksul mbŭ nanao klei thâo bi mguôp, jhŏng ktang.

Čiăng dưi bi leh bruă kñăm Hậu Giang jing sa boh čả đĭ kyar hlăm alŭ wăl lehanăn kluôm ala, lehanăn ngă jăk dŭm hdră êlan mơ̆ng gưl dlông hdră mtrŭn mơ̆ng klei bi kƀĭn prŏng Đảng čar tal XIV, Khua lăn čar mtă kơ bruă Đảng čar lehanăn mnuih ƀuôn sang čar Hậu Giang mâo klei thâo săng kjăp hĭn, thâo bruă klam pô, klei găl, lehanăn klei dleh dlan, čiăng kpưn mđĭ dưi găn jih klei lông dlăng hlăm čar, lehanăn mă klei hriăm mơ̆ng 20 thŭn êgao.