Khua lăn čar Võ Văn Thưởng nao ti anôk bi kƀĭn gưl dlông APEC
Thứ tư, 07:50, 15/11/2023
VOV TAYNGUYEN
VOV TAYNGUYEN
VOV4.Êđê- Hlue si asăp jak iêo mơ̆ng khua mil čhil Mi Joe Biden, hrue mbrue (14/11), Khua lăn čar Võ Văn Thưởng lehanăn mô̆ ñu mbĭt hŏng êpul khua prŏng Việt Nam nao leh ti anôk bi kƀĭn gưl dlông APEC 2023 lehanăn mâo dŭm klei bi tuôm dua nah ti Mi, mơ̆ng hrue 14 - 17/11.
Hlăm 25 thŭn leh êgao mŭt hlăm APEC, Việt Nam mâo bi mguôp lehanăn čŏng ngă leh dŭm bruă mbĭt hŏng APEC, mâo leh lu klei blŭ, lu hdră êlan đru hlăm dŭm bruă bi hơĭt klei êđăp ênang, klei bi hgŭm duh mkra hlăm alŭ wăl, krơ̆ng bruă mơ̆ng APEC jing leh klei bhiăn bi mguôp ti krĭng Asi – Pacific.
Boh nik hlăm klei bi kƀĭn thŭn anei phung khua kiă kriê klei duh mkra APEC mâo klei bi knăl kơ klei bi mguôp Việt Nam-Mi mâo leh klei đĭ kyar hlăm wưng êgao, mơ̆ng klei nao bi kƀĭn gưl dlông APEC lehanăn jih jang bruă mă ti ala čar Mi, mơ̆ng Khua lăn čar Võ Văn Thưởng jing yuôm bhăn êdi kơ klei bi mguôp lu tĭng lehanăn dua nah, đru krơ̆ng jih jang bruă hŏng klei êđăp ênang, ba wĭt klei tŭ dưn mđĭ kyar lăn čar./.
Viết bình luận