Ti alŭ wăl bi hdơr anăn, ti anăp mnguh mngăt pô jhŏng ktang, pô hing ang kơ dhar kreh Nguyễn Trãi, Khua lăn čar mbĭt hŏng êpul bi ala nao čuh leh brui mngưi, bi hdơr ai tiê prŏng prĭn mơ̆ng Ức Trai pô hing ang prŏng, pô mâo klei mĭn prŏng, pô ngă bruă kđi čar prŏng, pô jing khua kahan prŏng.

Tinăn, Khua lăn čar nao hlăm knăm trŭn kơ bruă čih pioh akŏ yan mnga hŏng akŏ: Ƀuôn prŏng phŭn Hà Nội: "Hing ang – kreh dhar – ênuk mrâo" lehanăn ngă klei bhiăn kơ klei čih tal êlâo akŏ yan mnga. Bi êdah sa knhuah gru dhar kreh mơ̆ng mnuih Việt Nam, kñăm mơĭt nao sa klei jăk jĭn, klei myun mdan, bi êdah ai tiê thâo mpŭ kơ phŭn agha, mnăm êa hdơr kơ hdơr kơ hnoh, ƀơ̆ng boh hdơr kơ phŭn mơ̆ng djuê ana Việt Nam, mâo klei mtrŭt mjhar hriăm hră mơar, mđĭ ai kơ klei tui hriăm mjuăt mjing klei thâo săng kơ mnuih Việt Nam.