Čuăl mkă čar Quảng Ngãi wưng thŭn 2021-2030, tă hdră mă bruă truh thŭn 2050 mâo khua knŭk kna bi mklă leh hrue 22/11/2023, hŏng 3 mta kñăm phŭn: Quảng Ngãi mđĭ kyar hlue si klei găl pô, mkŏ mjing hdră êlan bi hmô kjăp; tal 2 Quảng Ngãi-jing sa anôk truh mrâo, mtrŭn agha êlan hĭn jing anôk phŭn kơ klei duh mkra kdrŭn ksĭ, klei duh mkra hlăm êa ksĭ plao ksĭ, klei duh mkra anăp yŭ ngŏ. Čuăl mkă 4 klei duh mkra knơ̆ng, 6 alŭ wăl duh mkra phŭn, lehanăn dua anôk truăn kơ bruă mđĭ kyar, 3 ƀuôn prŏng ênuk mrâo. Čar mâo mta kñăm mkŏ mjing anôk phŭn kơ bruă kar mkra êa pui êwa čuh ti alŭ wăl duh mkra   Dung Quất lehanăn mđĭ kyar kdriêk plao ksĭ Lý Sơn jing anôk phŭn kơ bruă hiu čhưn ênguê.

Ti anăn khua lăn čar Võ Văn Thưởng mbĭt hŏng phung khua prŏng nao ti anôk mphŭn rŭ mkra êlan dơ̆ng prŏng Hoàng Sa-Dốc Sỏi; dlăng phung khua kiă kriê čar Quảng Ngãi mâo klei bi tŭ ư duh bi liê kơ dŭm bruă mđĭ kyar ƀuôn prŏng, tuh tia hlăm čar.