Hlăm gưl nao čhưn, Khua knŭk kna Japon Kishida leh anăn mô̆ ñu gĭt gai knăm drông Khua lăn čar Võ Văn Thưởng leh anăn mô̆ gơ̆. Dua khua gĭt gai ăt srăng ngă khua êpul bi ala gưl dlông dua ala čar bi trông, ksiêm dlăng kơ boh tŭ dưi mâo hlăm wang 50 thŭn mkŏ mjing klei bi hgŭm hŏng tač êngao leh anăn kčah hdră êlan bi hgŭm ktang hĭn hlăm wưng êgao.

Khua lăn čar Võ Văn Thưởng leh anăn mô̆ ñu ăt srăng bi tuôm hŏng Mtao leh anăn mô̆ mtao Japon; bi tuôm Khua gĭt gai Thượng viện, Khua gĭt gai Hạ viện Japon leh anăn mâo klei blŭ hrăm yuôm bhăn hlăm Bruă kƀĭn ala Japon; nao hlăm Knăm bi hdơr 50 thŭn mkŏ mjing klei bi hgŭm Việt Nam-Japon; drông khua gĭt gai dŭm Đảng leh anăn phung ngă bruă kđi čar Japon.