Ti anôk drông, Khua lăn čar bi myuôm boh tŭ dưn klei bi trông plah wah k’iăng khua lăn čar Võ Thị Ánh Xuân lehanăn k’iăng khua mil čhil Paul Mashatile. Khua lăn čar mñă Việt Nam yap klei bi mguôp hgŭm mbĭt hŏng lăn čar Dhŭng Afrĭk jing yuôm bhăn, čang hmăng kơ dua nah lŏ hyuă kjăp hĭn klei bi hgŭm, mtrŭn agha êlam hĭn hlăm djăp mta bruă wưng tinăp.

Bi êdah klei mơak kyua gưl tal êlâo mâo hriê čhưn ti Việt Nam lehanăn Asi, K’iăng khua mil čhil Paul Mashatile, knŭk kna lăn čar Dhŭng Afrĭk dlăng yuôm lehanăn čiăng mâo klei bi hgŭm lu hĭn hlăm djăp mta hŏng Việt Nam. Ti anôk bi tuôm dua nah mâo klei bi tŭ ư bi mjĕ êrô gưl khua prŏng, kñăm mđĭ hĭn klei bi hgŭm bruă kđi čar, bi sa ai hdơ̆ng găp ti anôk bi kƀĭn lu tĭng, boh nik ti anôk bi kƀĭn hŏng Êpul hgŭm lu ala čar, mâo klei bi hgŭm duh mkra mnia mblei, duh kơ bruă sang hră mơar, lehanăn klei bi mlih mrô, klei duh mkra mtah doh, đru hlăm klei mđĭ kyar bruă duh mkra hlăm mdê bi ala čar./.