Khua lăn čar Võ Văn Thưởng đăo knang gưl hriê čuă srăng đru mtrŭt mđĭ klei bi hgŭm knhuah gru leh anăn bi mguôp lu mta plah wah Việt Nam leh anăn Szech. Khua lăn čar mñă klă, knŭk kna leh anăn mnuih ƀuôn sang Việt Nam dlăng yuôm bhăn leh anăn hmămg hmưi mtrŭt mđĭ klei mjĕ giăm plah wah 2 ala čar hŏng klei kpal hƀuê ênuk êbeh 70 thŭn hlăm djăp mta bruă.

Dua tĭng bi tŭ ư lŏ dơ̆ng bi mguôp kjăp, sa ai hdơ̆ng pô hlăm dŭm klei kƀĭn lu tĭng, êpul êya tar rŏng lăn, boh nik jing Êpul hgŭm lu ala čar, ASEM, hlăm hdră bi mguôp ASEAN – EU čiăng đru mguôp kơ klei êđăp ênang, bi mguôp leh anăn mđĭ kyar ti alŭ wăl leh anăn tar rŏng lăn. Bi kơ boh klei êđăp ênang, hlăm anăn mâo êa ksĭ Ngŏ, khua gĭt gai 2 tĭng mñă ktang klei năng mjêč srăng mghiah msir dŭm klei amâo thâo bi djŏ hŏng hdră êlan êđăp ênang, mâo wăt bruă hŏng tač êngao leh anăn hdră bhiăn djŏ hŏng klei bhiăn tar rŏng lăn, boh nik jing klei kuôl kă mơ̆ng Êpul hgŭm lu ala čar kơ klei bhiăn êa ksĭ (UNCLOS) 1982.