Khua lăn čar Võ Văn Thưởng yap yuôm bhăn boh tŭ klei blŭ hrăm plah wah Khua phŭn bruă lĭng kahan 2 ala čar, mbĭt anăn mñă klă Đảng, knŭk kna Việt Nam mâo nanao klei mtrŭt mjhar, sa ai, mkŏ mjing klei găl čiăng bi mguôp plah wah lĭng kahan dua ala čar, Dua phŭn bruă lĭng kahan Việt Nam – Campuchia ƀrư̆ hruê ƀrư̆ klă klơ̆ng, tŭ dưn hĭn.

Hlăm wưng boh klei hlăm alŭ wăl leh anăn tar rŏng lăn dleh dưi ksiêm dlăng. Khua lăn čar Võ Văn Thưởng hmăng hmưi dua Phŭn bruă lĭng kahan mđĭ hĭn klei bi mguôp, kah mbha klei hưn, kah mbha dŭm boh klei hlăm alŭ wăl, tar rŏng lăn čiăng bi mguôp kjăp hĭn. Dua tĭng čiăng lŏ dơ̆ng bi mguôp kjăp, hluê ngă dŭm klei kuôl kă mâo leh, lŏ dơ̆ng kñăm kơ bruă mtô bi hriăm phung Khua kahan, boh nik jing phung mda asei.