Hlăm mmông tŭ drông, Khua lăn čar Võ Văn Thưởng hơ̆k mơak kyua ƀuh knhuah gru klei bi hgŭm leh anăn bi mguôp jăk siam plah wah 2 ala čar lŏ dơ̆ng đĭ kyar jăk. Dua tĭng lŏ rơ̆ng klei bi trông êpul leh anăn bi tuôm plah wah khua gĭt gai dŭm gưl. Klei mjĕ giăm bruă duh mkra, mnia mblei, duh bi liê 2 tĭng mâo klei đĭ kyar jăk.

Ƀri wưng anei, Khua lăn čar mni lač jăk kơ ala mtao Belgium leh anăn UNICEF Belgium, ăt msĕ hŏng mô̆ mtao Mathilde hrăm mbĭt, đru leh anăn bi mguôp hŏng Việt Nam hlăm bruă mđĭ hĭn boh tŭ kriê dlăng phung hđeh. Yap yuôm bhăn dŭm klei mtă kơ mô̆ mtao leh anăn êpul, Khua lăn čar hmăng hmưi UNICEF Belgium lŏ dơ̆ng đru kơ Việt Nam bi kluôm hdră êlan, klei bhiăn djŏ tuôm hŏng phung hđeh, lŏ dơ̆ng mkăp ai dưi đru kơ Việt Nam, boh nik jing hlăm bruă mtô mjuă bi hriăm, bruă mdrao mgŭn čiăng kơ Việt Nam dưi ngă jăk hĭn bruă kriê dlăng, mtô mjuăt phung hđeh hlăm wưng kơ anăp./.