Anei jing klei hriê čuă gưl knŭk kna tal êlâo truh ti Việt Nam mơ̆ng Khua mil čhil Dhŭng Korea Yoon Suk Yeol leh anăn Việt Nam jing ala čar Ngŏ Dhŭng Asi tal êlâo Khua mil čhil Yoon Suk Yeol hriê čuă yap mơ̆ng hruê đĭ păn bruă hlăk mlan 5/2022. Klei hriê čuă mkŏ mjing hlăm wưng klei mjĕ giăm 2 ala čar dôk đĭ kyar jăk siam.

Dua tĭng mđĭ leh klei mjĕ giăm hdră êlan kluôm dhuôm djŏ hlăm wưng bi hdơr 30 thŭn mkŏ mjing klei mjĕ giăm. Gưl hriê čuă ăt bi êdah klei dlăng yuôm bhăn mơ̆ng knŭk kna Dhŭng Korea leh anăn mơ̆ng Khua mil čhil Yoon Suk Yeol hŏng klei mjĕ giăm Việt Nam – Dhŭng Korea. Gưl hriê čuă anei ăt mâo boh tŭ dưn jing hrăm mbĭt hŏng Việt Nam, ƀĭng hgŭm kñăm mơ̆ng Dhŭng Korea, klă klơ̆ng hluê ngă hdră “Klei kčĕ bi mguôp Dhŭng Korea – ASEAN (KASI).”