Hlăm wưng êgao, klei mjĕ giăm dua tĭng Việt Nam leh anăn Indonesia lŏ dơ̆ng đĭ kyar ktang. Gưl hriê čuă kơ anăo srăng jing gưl tal 2 Khua mil čhil Joko Widodo hruê čuă gưl knŭk kna truh kơ Việt Nam ( leh gưl hriê čuă hlăk mlan 9/2018) leh anăn jing wưng brei kơ dua tĭng lŏ dơ̆ng bi trông kơ dŭm hdră êlan mtrŭt mđĭ klei bi mguôp, bi êlam hĭn klei mjĕ giăm ƀĭng hgŭm hdră êlan, hluê anăn hyuă kjăp klei bi hgŭm knhuah gru dưi ksul mbŭ giăm 70 thŭn êgao.

Ară anei dua ala čar ăt dôk mâo lu klei găl lŏ dơ̆ng ba yua, klei mjĕ giăm bi mguôp kjăp plah wah Việt Nam leh anăn Indonesia srăng mkŏ mjing klei găl čiăng kơ dua lăn čar mđĭ hnơ̆ng klei mjĕ giăm dua tĭng, năng hŏng klei găl, ai ktang mơ̆ng grăp lăn čar, ăt msĕ mơh hŏng klei đĭ kyar jăk siam mơ̆ng klei mjĕ giăm dua tĭng hlăm wưng êgao.